 პირველ რიგში კომპიუტერის ყიდვისას უნდა გაანალიზოთ ნაყიდ კომპიუტერს მომავალში რისი გაკეთება მოუწევს, საოფისე სამუშაოს შეასრულებს და ინტერნეტში იბოდიალებს, თუ სერიოზულ თამაშებთან მოუწევს ურთიერთობა, შეიძლება 3D გრაიკაში იმუშაოს ან თუნდაც იყოს ჰიბრიდული მანქანა და ყველაფერი ერთად აკეთოს.
მოკლედ ამის შემდეგ მოგიწევთ დაფიქრდეთ რა შემთხვევაში რა ნაწილზე გაამახვილოთ ყურადღება.
მე გეტყვით რა ნაწილი რაზე აგებს პასუხს და დანარჩენი თქვენზე იყოს.....
აბა დავიწყეთ, ჩვენი პირველი ნომინანტი : ერთერთი ყველაზე დიდი ნაწილი მონიტორი :)მოკლედ უნდა დაფიქრდეთ რამდენხანს მოგიწევთ მონიტორთან ჯდომა რამდენიმე საათი თუ კვირაში 7 დღე, დღეში 24 საათი
ხოდა ამასობაში მე მოგითხრობთ მონიტორების შესახებ: მონიტორები ძირითადათ იყოფა ორ სახეობად კინესკოპიან (კუზიან) CRT და თხევად კრისტალურ (და არა პლაზმურ) LCD მონიტორებად, თუმცა სხვა ბევრის სახეობაც არსებობს...
კინესკოპიანი (CRT) მონიტორის ხარისხი ძირითადათ ფასდება ეკრანის განახლების სიხშირით და და ეკრანის ზედაპირის სიბრტყით. თუმცა ასეთი მონიტორები გამოირჩევა შედარებით დიდი გამოსხივებით ვიდრე თხევად კრისტალური (LCD) მონიტორები. ლეგენდა იმის შესახებ რომ კაკტუსი გამოსხივებას აგარიდებთ არ შეესაბამება სიმართლეს, კაკტუსი ნამდვილად შთანთქავს გამოსხივებას მაგრამ ის მხოლოდ მის თავზე ზრუნავს და მისთვის საჭირო რაოდენობას იღებს. ასე რომ შეტევა ისევ თქვენსკენაა ორიენტირებული. და კიდევ ერთი რამ ოფისებში ან არა აქვს მნიშვნელობა, კომპიუტერების განლაგება ნუ გექნებათ ისეთი რომ სხვა მონიტორის კინესკოპი (კუზი, უკანა მხარე) თქვენსკენ ან ერთმანეთისკენ იყოს მიშვერილი, ასეთ მონიტორებს ეკრანზე გააჩნია ისეთი დაცვა რომელიც გამოსხივების დიდ ნაწილს აირეკლავს და უკან, კინესკოპის მხარეს გზავნის ასე რომ ასეთ შემთხვევაში დიდ შეტევაში ყვებით და თუ ასე გააგრძელებთ ალბათ რამდენიმე თვეში თქვენთვითონ გაასხივებთ ხოდა რას ვამბობდი? გავაგრძელოთ თემა: ეკრანის განახლების სიხშირე იზომება ჰერცებში Hertz (Hz). რაც უფრო მაღალი აქვს მონიტორს სიხშირე მით უფრო ნაკლებად ციმციმებს ეკრანი და თვალიც ნაკლებად იღლება. დღესდღეობით გვაქვს: 60 (Hz)-დან 100 (Hz)-მდე ეს საშუალოდ, შესაძლებელია უფრო მაღალი სიხშირის მონიტორებსაც შეხვდეთ.
მონიტერების სიხშირე დამოკიდებულია ეკრანის რეზოლუციაზე ანუ ასევთქვად გარჩევადობაზე, ეს შეიძლება იყოს: 640x480 ; 800x600 ; 1024x768 ; 1152x864 ; 1280x768 და ა.შ. მონაცემებში ხშირად შეგხვდებათ ასეთი აღნიშვნა მაგ: 1024x768 75 (Hz), ეს ნიშნავს რომ რეზოლუციაზე 1024x768 მონიტორს შეუძლია მაქსიმუმ 75 (Hz)-ზე მუშაობა.რეზოლუციის სიდიდე თავისთავად დამოკიდებულია ეკრანის დიაგონალის სიგრძეზე, მისი სიგრძე იზომება დიუმებში და აღინიშნება ბრჭყალებით ” მაგალითად თუ გაქვთ 15 დიუმიანი ეკრანი, მას აღნიშნავთ ასე 15” . დღევანდელობაში შეხვდებით: 15” ; 17” ; 19” ; 21” და უფრო დიდ დიუმიან ეკრანებს.
ესეც ჩვენი კუზიანი მონიტორი, ისე ასეთ მონიტორებთან დიდხანს ჯდომას არ გირჩევთ (ისევ თქვენი თვალებისთვის ვამბობ.) და თუ მაინც გიწევთ მუშაობა დიდხანს, მაშინ გირჩევთ გარკვეული ინტერვალით 10-15 წუთი შეისვენოთ.
თხევად კრისტალური მონიტორი (LCD) არის შენთვის ცნობილი ყველაზე ბრტყელი მონიტორი. ასეთ მონიტორებს ზოგიერთი ”პლაზმურ ეკრანს” ეძახის მინდა გითხრათ რომ ეს არასწორია! პლაზმური პლაზმურია LCD კი LCD-ია რა....
მას ძირითადათ აფასებენ ზომით (დიაგონალზე), პიქსელის რეაქციის სიჩქარით, განათების და კონტრასტულობის რაოდენობით.
ეკრანი რაც უფრო მაღალ კონტრასტულია მით უფრო მკვეთრი, ადვილად გასარჩევი, ნაკლებად ბუნდოვანი ჩანს გამოსახულება. განათებას არ ვიტყვი შენთვითონ მიხვდი
ახლა მივხედოთ პიქსელის განახლების სიჩქარეს. პიქსელის განახლების სიჩქარე იზომება მილიწამებში, რაც უფრო ნაკლებ მილიწამიანია LCD მონიტორი მით უფრო კარგია გრაფიკული გამოსახულება. დღესდღებით შეხვდებით 12 და ნაკლებ მილიწამიან მონიტორებს. თუმცა გამონაკლისებიც არსებობს.
სულ ეს არის მონიტორების შესახებ, ახლა უშუალოდ ნაწილები.....
პროცესორი _ პროცესორი არის ერთერთი მთავარი ნაწილი.თანამედროვე ”პროციკოებს” შეუძლია მილაორდობით ოპერაციის შესრულება ერთდროულად. პროცესორებს ძირითადათ ორი გიგანტი აწარმოებს, AMD და Intel-ი. Intel-ის პროცესორები ძირითადათ იყოფა ორ კლასად Celeron და Pentium თუმცა არსებობს კიდევ მისი სხვა მრავალი მოდელი. დღეს ამ ორ მოდელს განვიხილავთ. (P.S. მე ახლა 2009-ში ვარ და ავიდან ვკითხულობ ამ სტატიას რომელიც 2007-ში დავწერე დამიჯერეთ ჩვენთან უკვე 2 , 4, 8 ბირთვიანი პროცესორებია: Core 2 Duo, Dual Core, Quadro FX და ათასი სხვა პროცი კიდე :D, ხო ეს ჩართვა მომავლიდან ეხლა კი გააგრძელეთ კითხვა... )
მოკლედ პროცესორებს აფასებენ ძირითადათ სიხშირით და L2 (მეორე დონის) ქეშ მეხსიერებით. სიხშირე იზომება მეგაჰერცებში (MHz). შეხვდებით: 0.5 დან 3.6 და შეიძლება მეტ მეგაჰერციან პროცესორებსაც. ნუ შენთან ეხლა შეიძლება 50 და 60 მეგაჰერციანი პროცესორებია მაგრამ ჩვენთან ჯერ კიდევ 2007 წელია რაც უფრო მეტია სიხშირე მით უფრო სწრაფია და სტაბილურია კომპი, თუმცა ამ პარამეტრებს სხვა ნაწილებიც განაპირობებენ.
L2 ქეშ მეხსიერება ეს არის დაახლოებით საწყობი სადაც ინახება ინფო პროცესების შესახებ, დიდი ქეში ზრდის თქვენი პროცესორის წარმადობას. ქეში რომელიც რამდენიმე კილობაიტია დაბლად ითვლება ხოლო თუ მეგაბაიტებზეა საუბარი ეს უკვე სხვაა.... სწორედ ეს არის Celeron-ისა და Pentium 4-ის განმასხვავებელი ელემენტი.
Celeron-ი ცოტა ნაკლებსახსრებიანი მაგრამ კომპიუტერის მსურველი ხალხისთვისაა გამოშვებული, შედარებით ნაკლები ფასი ღირს და შესაბამისად ნაკლები წარმადობა (დაბალი ქეში) აქვს, Pentium 4 - ი შედარებით ძვირია და დიდი წარმადობის მქონე. ასე რომ სადმე თუ სელერონს შემოგტენიან და პენტიუმ ოთხიაო გეტყვიან არ დაიბნეთ, შესაბამის ზომებს მიმართეთ.
AMD - ს მოდელებიც ძირითად ორი კლასია Sempron-ები განეკუთვება Celeron-ის კლასს ხოლო უფრო თანამედროვე Athlon-ი Pentium-ს უწევს კონკურენციას. AMD - ს სხვა მრავალი მოდელიც გააჩნია.
დღესდღეობით შეგხვდებათ ასევე ორი და მეტ ბირთვიანი პროცესორებიც, მათი მწარმოებელი გიგანტი Intel-ია და მის ერთერთ ორბირთვიან მოდელეს Core Duo ეწოდება. არის მისი სერიებიც Core Duo Extrem-ი ; Core Due Pro და სხვ.
პროცესორის ერთერთი პარამეტრია ასევე სოკეტი. სოკეტი ეს არის პროცესორზე ფეხების (კონტაქტების) რაოდენობა, სოკეტი (ფეხების ჩასარჭობის რაოდენობა ბუდეში) თქვენს დედა დაფაზე უნდა ემთხვეოდეს სოკეტს (ფეხების რაოდენობას) პროცესორზე. ამისათვის შემოღებულია სტანდარტები. თანამედროვე პროცესორებს მაგ. სოკეტ LGA 775 ფეხების მაგივრად აქვს კონექტორები, LGA სწორედ ამის აღმნიშვნელია (მომრგვალებულ ფეხებს გავს), ეს განაპირობებს პროცესორის უსაფრთხოებას ბუდიდან ამოღება/ჩადებისას.
რჩევები
შეიძინეთ რაც შეიძლება თანამედროვე პროცესორი დიდი ქეშით (რა თქმა უნდა თქვენი ფინანსების შესაბამისობაში).
პროცესორს კარგი ქულერი (გაგრილების საშუალება) უნდა ჰქონდეს. ქულერი პასუხს აგებს ნაწილების (ამ შემთხვევაში პროეცესორის) გაგრილებაზე და სასერველია ეს უამღლეს დონეზე მოხდეს.
დედადაფა (MotherBoard) _ დედა დაფა პასუხს აგებს ყველა მოწყობილობის ერთმანეთთან კავშირზე.
დედა დაფა ბევრი კრიტერიუმით შეიძლება შეფასდეს, PCI სლოტების რაოდენობა, PCI-Express სლოტების მხარდაჭერა , გამტარისუნარიანობა, ზოგს ბევრი USB პორტი აწყობს და ა.შ.
PCI სლოტები საჭიროა სხვადასხვა მოწყობილობის ჩასაყენბლად კომპიში. ისინი დედაპლატაზე განთავსებული, რიგში ჩამწკრივებულეი, თეთრი ბუდეები არიან. მასში შეგიძლიათ შეაერთოთ ხმის პლატა (SoundCard), ტევეტუნერი (Tvtuner) და სხვ.
ვიდეოდაფა ერთდება AGP სლოტში, თუმცა არსებობს ვიდეოდაფა PCI-Express სლოტებისათვისაც.
USB პორტები გამოგადგებათ ვებკამერის ; ფლეშდისკის (ფლეშის); ციფრული ფოტოკამერის; MP3 პლეერის და სხვა აპარატურის შესაერთებლად.
დედადაფის გამტარისუნარიანობა ჰერცებში იზომება, და იგი განაპირობებს მოწყობილობებს შორის კავშირის სისწრაფეს. რაც უფრო დიდია გამტარისუნარიანობა მით უფრო სწრაფია კავშირი მოწყობილობებს შორის.
რჩევები
არასასურველია ინტეგრირებული დედადაფა....
რეკომენდირებულია გიგანტი ფირმების უახლესი მოდელის დედადაფები (რათქმაუნდა უახლეს პროცესორთან ერთად, სოკეტის გათვალისწინებით) დედადაფები მაგალითად: Asus, ASRock, Gigabyte, Intel, და სხვ.
ვიდეოდაფა _ ვიდეო დაფა პასუხს აგებს გამოსახულების დამუშავებაზე და მის საჩვენებლად მონიტორისათვის მიწოდებაზე.
ძირითადი ვიდეოდაფის მწარმოებლები არიან Nvidia და ATI.
ვიდეოდაფა ფასდება მისი მეხსიერების მოცულობით. თქვენ შეხვდებით: 64 ; 128 ; 256 ; 512 ; 1024 (მბ) და უფრო დიდ მოცულობის მეხსიერების ვიდეოდაფებს (შეიძლება ურო ნაკლებსაც). ძლიერი გრაფიკული პროგების, თამაშების გასაშვებათ საჭიროა ძლიერი ვიდედაფა. რაც უფრო დიდია ვიდეოდაფის მეხსიერება მით უფრო მაღალი ხარისხის გრაფიკის დამუშავება და ჩვენება შეუძლია მას.
როგორც წეღან ვახსენე ვიდეოდაფა ერთდება AGP სლოტში, თუმცა არსებობს ვიდეოდაფა PCI-Express სლოტებისათვისაც.
რჩევები
თუ გნებავთ ძლიერი ვიდეო დაფა, შეიძინეთ არანაკლებ 128-მბ მეხსიერებით DirectX 9.0 და შეიდერ 2.0-ის მხარდაჭერით.
სუსტია ინტეგრირებული ვიდეოდაფები. ისინი სხვა ნაწილებს ართმევენ რესურსებს.
ოპერატიული მეხსიერება
ნებისმიერი პროგრამა თუ ოპერაციული სისტემა, სამუშაოდ საჭირო ფაილებს აგროვებს ოპერატიულ მეხსიერებაში და შემდეგ იქიდან ეშვება. ოპერატიულის მეხსიერების ზომა იზომება მეგაბაიტბში. თქვენ შეხვდებით: 64 ; 128 ; 256 ; 512 ; 1024 და მეტ მეგაბაიტიანი მეხსიერების ოპერატიულებს.
რაც უფრო დიდია ოპერატიული მეხსიერება ერთდროულად მით უფრო მეტი პროგრამის გაშვების საშუალებას იძლევა კომპიუტერი. რაც უფრო მეტი მით უკეთესი !
ოპერატიულზე ცოტა ბევრია სასაუბრო (ასევე სხვა ნაწილებზეც), ასე რომ ამ თემასთან დაკავშირებით ცალკე სტატიას იხილავთ ჩვენს საიტზე PCMania.ge
რჩევები
სასურველია კომპში მინიმუმ 512 მეგა ოპერატიული იყოს.
ეგეც იფნო ოპერატიულზე
ვინჩესტერი
ვინჩესტერი პასუხს აგებს ინფორმაციის შენახვა/მოწოდებაზე.
იგი ძირითადათ ოთხი ინტერფეისისაა: IDE , UDMA, SCSI და SATA .
ვინჩესტერი ძირითადათ ფასდება მოცულობით, ბუფერის ზომით და მაგნიტური დისკების ბრუნების რიცხვით.
ბრუნების რიცხვის ერთეულია (ბრუნი წუთში), რაც უფრო მეტია ბრუნების რიცხვი მით უფრო სწრაფად ხდება ჩაწერა/წაკითხვა. არის სიჩქარე 5400 ბრუნი წუთში. ასევე გამოიყენება 7200 ბრუნიანი ვინჩესტერებიც. ასეთი სიჩქარეები ძირითადათ მიღებულია IDE ინტერფეისის კალაშნიკოვებისთვის ფუ.... უკაცრავად, ვინჩესტერებისათვის.
არის ასევე 10 000 და 15 0000 ბ/წ , ეს ციფრები SCSI ინტერფეისის დისკებში გამოიყენება. და შედარებით ძვირი სიამოვნებაა.
ინფორმაციის გადაცემის სისწრაფე IDE ინტერფეისზე არის: ATA/33 ; ATA/66 ; ATA/100 ; ATA/133
ანუ 33, 66, 100, 122 მეგაბაიტები წამში, პირველი ორი გამტარისუნარიანობის ვინჩესტერის მონახვა გაგიჭირდებათ.
SCSI ინტერფეისზე მიღებულია 160 მეგაბაიტი წამში.
შედარებით ახალი ტექნოლოგიაა SATA 1.0 და SATA 2.0 თეორიულად გამტარისუნარიანობა აღწევს 1.5 გიგაბაიტი წამში. ამასობაში შეცვლილია შეერთების ტექნოლოგია, მიღებულია რვა წვერიანი სადენი ;
SATA 1.0 და SATA 2.0 -ის შემთხვევაში ინორმაციის გადაცემის სისწრაფე არის 150 და 300 მბ წამში.
ვინჩესტერის მოცულება იზომება გიგაბაიტებში (გბ). თქვენ შეხვდებით: 20 დან 250, 320, 500-მდე გბ-ის ვინჩესტერებს, ანომალიებს არ ვთვლი
ბუფერის ზომა განისაზღვრება მეგაბაიტებში, რაც უფრო დიდია ბუფერის მოცულობა მით ურო მკვეთრად შეიგრძნობთ ვინჩესტერის წარმადობას
რჩევები
სასურველია არ შეიძინოთ 8 მეგაბაიტზე ნაკლებ ბუფერიანი ვინჩესტერი.
გადადით SATA ტექნოლოგიაზე, ახალი და სწრაფი ტექნოლოგიაა.
ყოველივე ამის შემდეგ თქვენ ალბათ უკვე შეგექმნათ წარმოდგენა დაახლოებით როგორ კომპს ააწყობთ, გაითვალისწინეთ ყველა ნიუანსი შეაფარდეთ თქვენს ფინანსურ შესაძლებლობებთან და მიიღებთ ალბათ ყველაზე ოპტიმალურ ვარიანტს. რაც მთავარია "PCMania" თქვენთანაა....... !
|
